Anquanto ls abiones nun daprénden outra beç a bolar
(mirandés) ANQUANTO LS ABIONES NUN DAPRÉNDEN OUTRA BEÇ A BOLAR
Ls dous uolhos que ten agora l pelubrino desta pandemie, son dues palabras: miedo i sigurança! Queremos zancerrar: mas inda tenemos miedo! Se decidimos zancerrar: queremos ir pa ls sítios más siguros de l mundo!
Para cada un de nós, l lhugar mais siguro q’eisiste ne l mundo: ye aquel sítio a que chamamos casa. Nun podendo quedar siempre ancerrados andrento de casa, porque percisamos salir de l buraco para procurar de comer, ir a saber de la bida, ampeçaremos l’abintura l mais acerca deilha que puodamos, an círculos cuncéntricos a eilha, de modo que caso seia perciso, mos puodamos outra beç ancerrar.
Pertual fui un de ls purmeiros cinco países de l mundo, i l purmeiro ouropeu, a recebir l “Seilho de Sigurança Global” de l Cunseilho Mundial de Biaiges i Turismo (World Travel & Tourism Council - WTTC), que reconhece çtinos i ampresas pulas medidas amplementadas para proteger la salúde de ls biajantes.
Essa ye la parte que l nuosso paiç puode yá afiançar pa que ls turistas, puodan melhor ultrapassar l sou miedo, i abinturáren-se a bejitar-mos. L problema ye que ls abiones percísan daprender outra beç a bolar, i enquanto i nó, tenemos que ser capazes de mos gobernar, sien las alas deilhes.
Tenemos l nuosso mercado turístico d’eimisson anterna, cun 10 milhones de pertueses, que puoden abinturar-se a conhecer un paiç fantástico: l sou. Un paiç, que ne ls últimos trés anhos, fui eileito cunsecutibamente l melhor çtino turístico de l mundo: l único paiç ouropeu a haber yá recebido esse galardon. I se biajáren por Pertual, sobretodo pul interior, staran siguros i siempre acerca de casa.
Al nuosso lhado, móran 47 milhones d’armanos spanholes, que nun percísan agarrar abion, i que mos puoden bejitar: a pie, bicicleta, mota, carro, camboio, carreira i autocarabana, i se beníren, staran siempre mui acerca de casa, caso seia preciso tornar a ancerrar-se outra beç.
Ye esta la grande ouportunidade que l goberno de Lisboua ten, atrabeç de l Turismo de Pertual, para dua beç por todas, poner na agenda de l Turismo Pertués l sou INTERIOR TODO, reforçando-le l’atratibidade, la capacidade hoteleira i la debida promoçon turística, para que las taixas d’oucupaçon ampécen a ser aceitables.
A to l custo, hai que mantener l turismo de la “Jangada de Piedra” a boiar, de preferença, cada beç cula cabeça mais fuora de l’auga.
(português) ENQUANTO OS AVIÕES NÃO APRENDEM NOVAMENTE A VOAR
Os dois olhos que tem agora o furação desta pandemia, são duas palavras: medo e segurança! Queremos desconfinar: mas ainda temos medo! Se decidimos desconfinar: queremos ir para os sítios mais seguros do mundo!
Para cada um de nós, o lugar mais seguro que existe no mundo: é aquele sítio a que chamamos casa. Não podendo ficar sempre fechados dentro de casa, porque precisamos sair do buraco para procurar de comer, ir a procura da vida, começaremos a aventura o mais próximo dela que possamos, em círculos concêntricos a ela, de modo a que caso seja preciso, nos possamos outra vez confinar.
Portugal foi um dos primeiros cinco países do mundo, e o primeiro europeu, a receber o “Selo de Segurança Global” do Conselho Mundial de Viagens e Turismo (World Travel & Tourism Council - WTTC), que reconhece destinos e empresas pelas medidas implementadas para proteger a saúde dos viajantes.
Essa é a parte que o nosso país pode já afiançar para que os turistas, possam melhor ultrapassar o seu medo, e aventurarem-se a visitar-nos. O problema é que os aviões precisam aprender novamente a voar, e enquanto e não, temos que ser capazes de mos governar, sem as asas deles.
Temos o nosso mercado turístico de emissão interna, com 10 milhões de portugueses, que podem aventurar-se a conhecer um país fantástico: o seu. Um país, que nos últimos três anos, foi eleito consecutivamente o melhor destino turístico do mundo: o único país europeu a ter já recebido esse galardão. E se viajarem por Portugal, sobretudo pelo interior, estarão seguros e sempre próximos de casa.
Ao nosso lado, vivem 47 milhões de “hermanos” espanhóis, que não precisam apanhar o avião, e que nos podem visitar: a pé, bicicleta, mota, carro, comboio, autocarro e autocaravana, e se vierem, estarão sempre muito próximos de casa, caso seja preciso voltar a confinar-se novamente.
É esta a grande oportunidade que o governo de Lisboa tem, através do Turismo de Portugal, para de uma vez por todas, colocar na agenda do Turismo Português o seu INTERIOR TODO, reforçando-lhe a atratividade, a capacidade hoteleira e a devida promoção turística, para que as taxas de ocupação comessem a ser aceitáveis.
A todo o custo, é necessário manter o turismo da “Jangada de Pedra” a flutuar, de preferência, cada vez com a cabeça mais fora da água.
