(mirandés) L MUNDO YE REDONDO: TANTO ANDA, CUMO ZANDA!
Ua quadrilha de segadores fizo un córreo i sentou-se para almorçar. No meio deilhes, la duonha de la segada, stendiu ua manta i anriba, puso ua trabiessa chena de patatas guisadas cun cordeiro. Dou-se l azar, que dun lhado quedórun las patatas todas i de l outro la chicha. Cumo cad’un solo podie comer de l sou campo, un segador que staba de l lhado de las patatas, diç pa ls outros: “sabeis, l mundo ye redondo, i anda”, i anquanto dezie esto, dou meia buolta a la trabiessa, de modo que las patatas passórun pa l outro lhado, anquanto la chicha passaba pa l sou. Çcuntento, outro segador que staba de l lhado cuntrairo, diç: “sabeis, ye bien berdade que l mundo ye redondo, mas tanto anda, cumo zanda”, i anquanto dezie esto, tornou a dar meia buolta a la trabiessa, deixando todo cumo staba antes. I cumo aquel sou mundo era manobrado pula duonha de la segada que staba alhi, la tie agarrou i dou ua misturadela melhor antre chicha i patatas i todos comírun a la sue fame.
Para que nun seia mui loinge, basta-mos arrecular até 2007: crise financeira de l “subprime” i subsequente faléncia an 2008 de l grande banco amaricano Lehman Brothers. A este fenómeno tamien podiemos chamar “pandemie financeira”, provocada pul azar antroduzido por uns bichos ralos amaricanos, uns rapazes mui finos, que fazien “transferéncia de ls créditos heipotecários (CDS, CDO…)”.
I nós que yá mos habiemos habituado a pensar que cousa de faléncia de bancos nunca más iba a passar, quedemos todos mui admirados, ancluindo ls riguladores de ls Bancos Centrales. Muita giente perdiu las eiconomies que habie puosto ne ls sítios más seguros: ls bancos! De l die pa la manhana, l mundo antrou an crise, i an Pertual, muitos milhares de pessonas bírun parte de l sou ourdenado cortado! Muita giente sufriu, muita giente deleriou, i passado pouco mais de dieç anhos, ls que scapemos, stamos eiqui. Outra beç delantre de mais ua pandemie que naide cuidaba q’eirie acuntecer, que desta beç fui probocada pul ancontro azarento antre uns bichos ralos chinos, uns pangolins que fúrun mordidos por morcieganos!? I eiqui stá la proba, tal cumo dixo John Maynard Keynes, “ls ciclos eiquenómicos son determinados por un supuosto "spríto animal"!
I se muitos pénsan que la globalizaçon ye ua cousa de l outro mundo, que se zanganhe, porque la blobalizaçon ye mesmo l nuosso mundo de to ls dies: rapazes amaricanos a traficar “créditos heipotecários” i apuis nós perdermos las nuossas eiconomies, i parte de ls nuossos ourdenados; fazer las mais baratas compras no eBay ou Amazon i an tiempos de crise l nuosso paiç nun tener acesso a bienes fundamentales; poder trabalhar sien grandes problemas noutro paíç sien que seia l nuosso, i l apuis l nuosso paiç quedar sien la massa crítica de ls melhores profissionales; abusar sien lhemites de las biaiges de carro, d’abion, de barco, i apuis ber l níble de l mar a chubir an to l mundo; morcieganos chinos a morder pangolins i apuis nós tenermos que quedar an casa ancerrados, i para tornarmos a salir, tener q’andar angustiados, de maçcarilha, de lhubas, …
La maior problemática de l nuosso globo, ye que nun puode rodar para trás, porque ye ua nória que cumpleta ua buolta eilítica al redror de l sol, a ua belocidade cuntina de 1800 quilómetros por minuto, i nós todos a rodar cun el. Stamos, portanto, todos duplamente lhigados: pula nuossa cundiçon de terruonhos i pula nuossa cundiçon biológica. Por agora stamos todos oubrigados al çtanciamento físico, mas apuis d'habermos ambentado las redes sociales, esso yá nun ye sinónimo de çtanciamento social. Apesar de la nuossa stória, la única maneira que tenemos para mos ajudar, ye sermos más cidadanos, ye pensarmos mais i melhor, ye adaptar-mos to ls dies, anquanto biajamos a alta belocidade. Ye solo cula boca que comemos l guisado de cordeiro cun patatas, ye solo pula boca que cuntaminamos...
(português) O MUNDO É REDONDO: TANTO ANDA, COMO DESANDA!
Uma camarada de ceifeiros fez uma roda e sentaram-se para almoçar. No meio deles, a dona da ceifa, estendeu uma manta e em cima, colocou uma travessa cheia de batatas guisadas com cordeiro. Deu-se o azar, que de um lado ficaram as batatas todas e do outro a carne. Como cada um podia apenas comer do seu campo, um ceifeiro que estava do lado das batatas, diz para os outros: “sabem, o mundo é redondo, e anda”, e enquanto dizia isto, deu meia volta à travessa, de modo que as batatas passaram para o outro lado, enquanto a carne passava para o seu. Descontento, outro ceifeiro que estava do lado oposto, disse: “sabem, é bem verdade que o mundo é redondo, mas tanto anda, como desanda”, e enquanto dizia isto, voltou a dar meia volta à travessa, deixando tudo como estava anteriormente. E como aquele mundo era manobrado pela dona da ceifa que ela estava ali, a senhora agarrou e deu uma misturadela melhor entre carne e batatas e todos comeram à sua fome.
Para que não seja muito longe, basta-nos recuar até 2007: crise financeira do “subprime” e subsequente falência em 2008 do grande banco americano Lehman Brothers. A este fenómeno também podíamos chamar “pandemia financeira”, provocada pelo azar introduzido por uns bichos raros americanos, uns rapazes muito espertos, que faziam “transferência dos créditos hipotecários (CDS, CDO…).
E nós que já nos tínhamos habituado a pensar que coisa de falência de bancos nunca mais ia acontecer, ficamos todos muito admirados, incluindo os reguladores dos Bancos Centrais. Muita gente perdeu as economias que havia colocado nos sítios mais seguros: os bancos! Do dia para a manhã, o mundo entrou em crise, e em Portugal, muitos milhares de pessoas viram parte do seu ordenado cortado! Muita gente sofreu, muita gente alucinou, e passado pouco mais de dez anos, os que sobrevivemos, estamos aqui. Outra vez diante de mais uma pandemia que ninguém pensava que iria acontecer, que desta vez foi provocada pelo encontro azarento entre uns bichos raros chineses, uns pangolins que foram mordidos por morcegos!? E aqui está a prova, tal como disse John Maynard Keynes, “os ciclos económicos são determinados por um suposto "espírito animal"!
E se muitos pensam que a globalização é uma coisa do outro mundo, que se desenganem, porque a globalização é mesmo o nosso mundo de todos os dias: rapazes americanos a traficar “créditos hipotecários” e depois nós perdermos as nossas economias e parte dos nossos salários; fazer as mais baratas compras no eBay ou Amazon e em tempos de crise o nosso país não ter acesso a bens fundamentais; poder trabalhar sem grandes problemas noutro país sem que seja o nosso, e o depois o nosso país ficar sem a massa crítica dos melhores profissionais; abusar sem limites das viagens de carro, de avião, de barco, e depois ver o nível do mar a subir em todo o mundo; morcegos chineses a morder pangolins e depois nós termos que ficar em casa fechados, e para voltarmos a sair, ter que andar angustiados, de máscara, de luvas, …
A maior problemática do nosso globo, é que não pode girar para trás, porque é uma nora que completa uma volta elíptica ao redor do sol, a uma velocidade contínua de 1800 quilómetros por minuto e nós todos a rodar com ele. Estamos, portanto, todos duplamente ligados: pela nossa condição de terrenos e pela nossa condição biológica. Por agora estamos todos obrigados ao distanciamento físico, mas depois de termos inventado as redes sociais, isso já não é sinónimo de distanciamento social. Apesar da nossa história, a única forma que temos para nos ajudar, é sermos mais cidadãos, é pensar mais e melhor, é adaptar-nos todos os dias, enquanto viajamos a alta velocidade. É apenas com a boca que comemos o guisado de cordeiro com batatas, é apenas pela boca que contaminamos...
