L Segredo las Antriteiras: Geografia Hagiológica das Incertezas
“FAZER ANTRITEIRAS”: NOTA DE LS OUTORES (mirandés)
La colaboraçon antre armanos ye un clássico.
Nós, Amadeu, Manuel i Carlos, zde ninos, habituemos-mos a fazer cousas juntos: guardar las mulas, ir a páixaros, arar, falar, screbir, ajudar, fazer sposiçones, publicar libros… hoube mesmo projetos que fúrun zambulbibos cumo se d’armanos mielgos se tratara.
A respeito desta tradicional colaboraçon antre nós, afirmou la Doutora Manuela Barros Ferreira: “…o Amadeu era um homem genial, o mais inteligente que conheci, mas a sua verdadeira força vinha do facto de serem uma equipa familiar: ele, os pais, os irmãos, os filhos; os sobrinhos, mais a família de amigos que ele engendrou, todos sempre a colaborar…”.
Ls trabalhos zambulbidos, por un ou por outro, antégran neilhes colaboraçones de todos: cun testos, cun pinturas, cun máçcaras, cun rebisones, cun críticas…
Antruduzimos agora l cunceito de “fazer antriteiras”, que, Amadeu Ferreira, cria ne l libro “Belheç”, pula boca dun bielho: “L que you perciso ye d’antriteiras que me manténgan a rodar sien me deixar scapar l eixe. Tengo que ir fazendo to ls dies antriteiras que m’aguánten. A las bezes stou a fazer caramonos nun palico, ó a zgranar frajones, ó a cuntar ua cuonta, ó solo a pensar i quien passa pregunta-me: “L que stá a fazer?” La mie repuosta ye siempre la mesma: “Antriteiras”. Las pessonas ancuolhen ls ombros i oubo-las a pensar: “Cuitado, yá nun diç cousa cun cousa!” Naide antende esta cousa bien simpres: quando la bida yá nun mos faç nacer antriteiras, antoce tenemos que las fazer nós. Quien nun las ten i nun las faç, nun tarda a colgar-se dun cantiado. Inda que nun se colgue”.
Antriteiras, son pieças fundamentales dun carro de buis. Son las antriteiras que manténen l eixe de l carro a rodar cumo debe ser. Alegoricamente, ne l bielho calendairo tradicional de ls santos, “a geografia hagiológica das incertezas” ye l trabalho que to ls dies bamos zambulbendo, q’ambora mos puoda parecer algo eirrático i ancierto, mos sculpe i rializa anquanto pessonas. “Ls trabalhos i ls dies” ye l títalo dun poema épico d’Hesíodo, dedicado al armano. Este outor fui l más antigo “poeta artesano” conhecido de la Grécia Antiga, portanto, l purmeiro poeta ouropeu. Trata ls temas de l trabalho hounesto i de la justícia, deixa cunseilhos práticos subre l amanho diário de la tierra i bários cunceitos morales. La obra anclui la cuonta de Prometeu i l mito de Pandora, que serbírun de motibo d’anspiraçon a muitas giraçones d’artistas pintores.
Eibocando Pepe Mujica: la bida nun puode ser solo trabalho, hai que deixar un capítulo pa la boubice. Somos lhibres quando gastamos tiempo an cousas que mos motíban. Cada un há de tener ua causa, ua paixon. Hai q’andonar ua filosofie de bida, mas la filosofie nun stá na moda por nun cobramos dinheiro por eilha. Hai anfelcidade i pobreza ne l mundo: de pan, d’alma. L problema ye: an que gastas l tiempo de la tue bida, an que gastas l milagre d’haberes nacido? Se nun te dás cuonta, l mercado bai-se a ancarregar de fazer esso por ti i andarás, to la bida, a pagar cuontas i a cumprar cacharros, até que seias un bielho çtruído, porque daprendiste tarde que nada se compra cun dinheiro, todo se compra cul tiempo de bida que gasteste para cunseguir esse dinheiro. L problema ye que l tiempo de la bida nun se repon, la bida ye ua abintura. Ye por esso que nós fazemos antriteiras cun las quelores de la lhuç de l Praino i cun las palabras mirandesas que sien remédio se mos ancarréiran alma alantre.
Este nun ye, portanto, un trabalho cumpletamente cordenado antre nós ls dous: al lhargo de doze anhos, doze meses por anho, dende ls doze capítulos, cada un, screbiu i pintou l que le dou la gana i ye neste libro, que le damos ourganizaçon anteratiba de parcerie.
Buona parte deste material yá fui dibulgado nas redes sociales, mas ye agora neste libro que ganha ourganizaçon i sentido stético.
Anquanto fui bibo, Amadeu to ls dies s’amponie muito que fazer i to ls dies amponie muito que fazer para nós i para muita giente. Na última cumbersa que tubimos antes q’el s’apagásse, dixo-mos: “L segredo de produzir muitas cousas, ye fazer to ls dies, un cachico que seia. Quando bos dirdes de cuonta, ls projetos yá staran cuncluídos. You bou a andar por ende para ber…”.
“FAZER ESTREITOURAS”: NOTA DOS AUTORES (português)
A colaboração entre irmãos é um clássico.
Nós, Amadeu, Manuel e Carlos, desde a meninice, habituamo-nos a fazer coisas juntos: apascentar as mulas, ir aos pássaros, lavrar, falar, escrever, ajudar, fazer exposições, publicar livros… houve projetos que foram desenvolvidos como se de irmãos gémeos se tratasse.
A respeito desta tradicional colaboração entre nós, afirmou a Doutora Manuela Barros Ferreira: “…o Amadeu era um homem genial, o mais inteligente que conheci, mas a sua verdadeira força vinha do facto de serem uma equipa familiar: ele, os pais, os irmãos, os filhos; os sobrinhos, mais a família de amigos que ele engendrou, todos sempre a colaborar…”.
Os trabalhos desenvolvidos, por um ou por outro, integram neles colaborações de todos: com textos, com pinturas, com máscaras, com revisões, com críticas…
Introduzimos agora o conceito de “fazer estreitouras”, que, Amadeu Ferreira, cria no livro “Velhice” pela boca de um velho: “Do que eu preciso é de estreitouras que me mantenham a rodar sem deixar fugir o eixo. Tenho de fazer todos os dias estreitouras que me aguentem. Por vezes estou a fazer adornos num pauzinho, ou a desbagar feijão, ou a contar um conto, ou apenas a pensar e quem passa pergunta-me: “O que está a fazer?” A minha resposta é sempre a mesma: “Estreitouras”. As pessoas encolhem os ombros e ouço-as pensar: “Coitado, já não bate bem!” Ninguém entende esta coisa tão simples: quando a vida já não nos faz nascer estreitouras, então temos de ser nós a fazê-las. Quem não as tem e não as faz, não tarda a pendurar-se de uma viga. Ainda que o não faça.”
Estreitouras, são peças fundamentais de um carro de bois. São as estreitouras que mantêm o eixo do carro a rodar como deve ser. Alegoricamente, no velho calendário tradicional dos santos, “a geografia hagiológica das incertezas” é o trabalho que todos os dias vamos desenvolvendo, que embora nos possa parecer algo errático e incerto, nos esculpe e realiza enquanto pessoas. “Os trabalhos e os dias” é o título de um poema épico de Hesíodo, dedicado ao irmão. Este autor é o mais antigo “poeta artesão” conhecido na Grécia Antiga, portanto o primeiro poeta europeu. Trata os temas do trabalho honesto e da justiça, deixa conselhos práticos sobre o amanho diário da terra e vários conceitos morais. A obra inclui a narrativa de Prometeu e o mito de Pandora, que serviram de mote de inspiração a muitas gerações de artistas pintores.
Parafraseando Pepe Mujica: a vida não pode ser apenas trabalho, é necessário deixar um capítulo para a loucura. Somos libres quando gastamos tempo em coisas que nos motivam. Cada um deve ter uma causa, uma paixão. É preciso ter uma filosofia de vida, mas a filosofia não está na moda por não cobrarmos dinheiro por ela. Há infelicidade e pobreza no mundo: de pão, de alma. O problema é: em que gastas o tempo da tua vida, em que gastas o milagre de teres nascido? Se não te dás conta, o mercado vai-se encarregar de fazer isso por ti e andarás, toda a vida, a pagar contas e a comprar coisas, até que sejas um velho destruído, porque aprendeste tarde que nada se compra com dinheiro, tudo se compra com o tempo de vida que gastaste para conseguir esse dinheiro. O problema é que o tempo da vida não se repõe, a vida é uma aventura. Por isso nós fazemos estreitouras com as cores da luz do Planalto Mirandês e com palavras mirandesas que inevitavelmente se nos encarreiram alma adiante.
Este não é, portanto, um trabalho totalmente coordenado entre nós os dois: ao longo de doze anos, doze meses por ano, daí os doze capítulos, cada um, escreveu e pintou o que lhe apeteceu e é neste livro, que lhe damos organização interativa de parceria.
Boa parte deste material já foi divulgado nas redes sociais, mas é agora neste livro que ganha organização e sentido estético.
Enquanto vivo, o Amadeu, todos os dias, se impunha muito que fazer e todos os dias estruturava que fazer para nós e para muita gente. Na última conversa que tivemos antes de se apagar, disse-nos: “O segredo de produzir muitas coisas, é fazer todos os dias, um bocadinho que seja. Quando se derem de conta, os projetos estarão concluídos. Eu irei andar por aí para ver…”.
