(mirandés) CRISE (de l lhatin crisis i de l griego krísis)
(mirandés) CRISE (de l lhatin crisis i de l griego krísis)
Crise ye un baque. Defenhir l sou cunceito ye cumplicado, porque las hai de muita maneira. You arrisco la mie definhiçon: crise ye ua mudança repentina, puode ser política, eiquenómica, social, ambiental, houmanitária, de salúde, de nérbios, eisistencial, …, andibidual, coletiba ou global. To ls tipos q’einumerei, ne l caso desta crise de l Coronabírus Cobid-19: sóman-se.
An eimaige: crise ye ua lhuç burmeilha a piçcar; ua sirene a tocar; muita giente a bramar; l Grito de Munch; gráficos cumbanidos; rues zertas...
Quando la crise ye nuoba, nun se ten inda spréncia i por esso hai que andar de candeia na mano a las apalpadelas, mas mesmo assi aparécen siempre muitos eiluminados!
Durante ua crise, aquel bielho chabon “las necessidades son siempre superiores als recursos”, stá muito mais zanquelibrado pa l lhado de las necessidades. La formaçon de ls précios i l fornecimiento de bienes fundamentales pa la resoluçon de la crise, quédan cumpletamente anstables i eirregulares.
La geston de la crise, bien ou mal, ye feita por quien ye agarrado a mandar an permeio!
Ye solo porque anda ende muita giente que stá d’acordo, outra nien por esso, i inda outra que nun stá mesmo nada. Diç-se todo i l sou cuntrairo: “bai a quedar todo bien”; “bai a quedar todo muito pior que cuidamos”; “esto fui un ansinamiento que dius mos mandou”; “dius nun eisiste i s’eisistira nien sequiera quererie saber”; “ye bien feito a ber se daprénden”, “nós nun mereciemos esto”; “nada tornará a ser cumo d’antes”; “se fusse you que mandasse...”
Mas par’alhá de ls choros i de ls stragos, l tiempo eisiste, i diç del l nuosso pobo: todo curar.
Por agora, pa l maior númaro de pessonas, aqueilhas que nun stan catalogadas cumo “suldados”, l melhor an que podemos ajudar ye mesmo: QUEDAR AN CASA. Sei que nada ye simples.
QUEDEMOS AN CASA
(português) CRISE (do latin crisis e do grego krísis)
Crise é um colapso. Definir o seu conceito é complicado, porque as há de muito formato. Eu arrisco a minha definição: crise é uma mudança brusca, pode ser política, económica, social, ambiental, humanitária, de saúde, de nervos, existencial, …, individual, coletiva ou global. Todos os tipos que enumerei, no caso desta crise do Coronavírus Covid-19: somam-se.
Em imagem: crise é uma luz vermelha a piscar; uma sirene a tocar; muita gente a bradar; o Grito de Munch, gráficos atípicos, ruas desertas...
Quando a crise é nova, não se tem ainda experiência e por isso há que andar de candeia na mão às apalpadelas, mas mesmo assim aparecem sempre imensos iluminados!
Durante uma crise, aquele velho chavão “as necessidades são sempre superiores aos recursos”, está muito mais desequilibrado para o lado das necessidades. A formação dos preços e o fornecimento de bens fundamentais para a resolução da crise, ficam completamente instáveis e irregulares.
A gestão da crise, bem ou mal, é feita por quem é apanhado a mandar de permeio!
É apenas porque anda aí muita gente que está de acordo, outra nem por isso, e ainda outra que não está mesmo nada. Diz-se tudo e o seu contrário: “vai ficar tudo bem”; “vai ficar tudo muito pior que pensamos”; “isto foi um ensinamento que deus nos mandou”; “deus não existe e se existisse nem sequer quereria saber”; “é bem feito a ver se aprendem”, “nós não merecíamos isto”; “nada tornará a ser como antes”; “se fosse eu que mandasse...”
Mas para lá dos choros e dos estragos, o tempo existe, e diz dele o nosso povo: tudo curar.
Por agora, para o maior número de pessoas, aquelas que não estão catalogadas como “soldados”, o melhor em que podemos ajudar é mesmo: FICAR EM CASA. Sei que nada é simples
