Tribela ye ua técnica de remate de grande amprebisibilidade, d’eisecuçon mui custosa, por esso, pouco outelizada puls jogadores de bola. Partindo de l peito de l pie, la bola faç un arco oupuosto al que habitualmente ye eisecutado, i quando resulta purfeita, ye dua eimensa spetacularidade. I quando dá golo, i ye pula seleçon, ye de total felcidade.
Ls falsos profetas outelízan tribelas, apenas para cumbencir, que quando Dius criou las raças, se raças criou, tenerie pensado: “crio la raça cigana i outras, para que nunca chéguen a ser pessonas, para que nunca chéguen al cielo”!?
Quando ua parte de las gientes de Pertual nun sirbe para honrar la naçon. Quando mos azinolhamos an pecado adorando profetas de la zgraça. Acobardados i cun miedo, i queremos criar bárias classes de pertueses, tenendo bargonha d’alguns! Quando ye assi, nun hai quemunidade nacional fuorte que s’aguante. Parece que Dius, quando andou pul mundo a criar las raças, tenerie cunsidrado algues menos dignas, menos homes. You acho que alguien stá a querer preberter l anfinito Amor de Dius, seia el quien seia. You acho que hai giente a deixar-se anganhar, acraditando ne ls que prégan l ódio, segregaçon i antropie.
La mie rue, la mie tierra, to ls dies, tamien ye feita de ciganos, i todos somos pertueses, i todos somos mirandeses, i todos somos sendineses, i todos somos homes dignos. Ye assi que you amo la mie naçon, ye assi que you amo la mie tierra, ye assi que you amo la mie rue: ye la mie, por esso nun la puodo trocar por nanhue outra.
Quien oudiar esta maneira de star, tamien oudeia l’eisséncia houmana, i quando assi ye, la stória yá mos ansinou, que todo bai a correr mal.
Para quei negar: ADORO LAS TRIBELAS DE QUARESMA.
(português) TRIVELA
Trivela é uma técnica de remate de grande imprevisibilidade, de execução extremamente difícil, por isso, pouco utilizada pelos futebolistas. Partindo do exterior do pé, a bola descreve um arco oposto ao que habitualmente é executado, e quando resulta perfeita, é de imensa espetacularidade. E quando acaba em golo, e é pela seleção, é de total felicidade.
Os falsos profetas utilizam trivelas, apenas para convencer, que quando Deus criou as raças, se raças criou, teria pensado: “crio a raça cigana e outras, para que nunca cheguem a ser pessoas, para que nunca cheguem ao céu”!?
Quando uma parte das gentes de Portugal não serve para honrar a nação. Quando nos ajoelhamos em pecado adorando profetas da desgraça. Acobardados e com medo, e queremos criar várias classes de portugueses, tendo vergonha de alguns! Quando é assim, não há comunidade nacional coesa que se aguente. Parece que Deus, quando andou pelo mundo a criar as raças, teria considerado algumas menos dignas, menos homens. Eu acho que alguém está a querer perverter o infinito Amor de Deus, seja ele quem seja. Eu acho que há gente a deixar-se enganar, acreditando nos que pregam ódio, segregação e entropia.
A minha rua, a minha terra, todos os dias, também é feita de ciganos, e todos somos portugueses, e todos somos mirandeses, e todos somos sendineses, e todos somos homens dignos. É assim que eu amo a minha nação, é assim que eu amo a minha terra, é assim que eu amo a minha rua: é a minha, por isso não a posso trocar por nenhuma outra.
Quem odiar esta forma de estar, também odeia a essência humana, e quando assim é, a história já nos ensinou, que tudo irá correr mal.
