La pintora mirandesa Balbina Mendes ampeçou ua de bárias sposiçones de pinturas subre l riu Douro. La purmeira sposiçon fui einaugurada ne passado die 11 de Jineiro, an la cidade castelhana de Sória, capital de la porbíncia spanhola adonde nace l riu Douro. Estas sposiçones passaran, durante astanho, por bárias cidades spanholas i pertuesas, liadas al Douro, zde Sória, al pié de la naciente, até al Puorto, an la sue foç.
Estas sposiçones ténen la mano de lAssociaçon Eibérica de Municípios Ribeirinhos de l Douro (AIMRD), ua associaçon de municípios pertueses i spanholos que stan liados al riu Douro i a la sue bacie heidrográfica.
L títalo desta série de sposiçones ye «Márgenes Douro, Naciente Foç», i neilhas seran amuostrados cinquenta quadros pintados por Balbina nes redadeiros anhos, an bárias puntos por adonde passa l riu. Las sposiçones ténen lantençon de dar a coincer l riu Douro cumo eilemiento deidentidade cultural de las çonas castelhanas, lheonesas i pertuesas banhadas pulas sues augas.
Leinauguraçon de la sposiçon de Sória tubo lhugar ne passado die 10 de Jineiro, an ne Centro Cultural - Palácio de lOudiéncia, an la Plaza Mayor de Sória. La sposiçon poderá ser besitada até al próssimo die 22 deste més, antre l meiu-die i las dues de la tarde, i antre las siete i las nuobe de la nuite. Estas horas son spanholas.
Pa sacar mais anformaçones subre esta sposiçon, las pessonas antressadas deberan de cuntatar cul tiu Pedro Ramírez, de l Departamiento de Quemunicaçon de l Porjeto Hidrosource, atrabéç l andreço de correiu eiletrónico [email protected], ó atrabéç de l númaro de telfone 983 428 200.
