Durante la redadeira Cena de ls Mirandeses que tubo lhugar an la cidade de Bergança, an ne die 8 de Jineiro dastanho, tubo lhugar ua Assemblé General de lAssociaçon de Mirandeses an Bergança, an que fui çcutido i aporbado l plano datebidades desta associaçon pa astanho. Assi, la direçon de lassociaçon quier lhebar a cabo ls siguientes eibentos:
* An Abril, l Purmeiro Juntouro Nacional de Gueiteiros, cula quelaboraçon doutras associaçones: ETNIA, Amigos da Terra, Celtas do Minho, ALDEIA i Caramonico.
* Jornadas de çcusson subre la Lhéngua Mirandesa. L títalo de l eibento será «Lhéngua Mirandesa... Quei Feturo?». Haberá çcussones antre pessonas, porsores i outras associaçones que stéian ó háian stado ambolbidas an studos i an loufecializaçon de la Lhéngua Mirandesa. Seran amuostrados bídeos cun bielhos a falar mirandés, dezindo las sues eideias subre la sue lhéngua, que antes era amportante i era la única que eilhes úsaban pa quemunicar uns culs outros.
* Realizaçon dun Campo de Férias, çtinado a toda la mocidade, filhos i nietos de mirandeses que bíban an Bergança, i que téngan antresse an coincer melhor la tierra de ls sous pais i/ó abuolos. Este campo tenerá la quelaboraçon de lassociaçon ALDEIA - Acção, Liberdade, Desenvolvimento, Educação, Investigação pelo Ambiente.
* Recuolha de tradiçones, usos, questumes i sabores mirandeses, cul oubjetibo de screbir un pequeinho lhibro que ajunte todas estas riquezas mirandesas. Esta atebidade tamien tenerá la mano de lassociaçon ALDEIA.
* Un juogo de «pedi-pape».
* Amuostra de filmes subre l cunceilho de Miranda de l Douro i la sue Stória.
* Tamien cula ajuda de lALDEIA, sposiçon dartesanato, cun sessones de trabalhos práticos de cestarie tradecional.
* Realizaçon de cartones postales culeimaige de l Nino Jasus de la Cartolica, que seran bendidas pa ajuntar denheiro pa las atebidades de lAssociaçon.
* Quelaboraçon cula Plataforma Cultural Trasfrunteiriça, ua associaçon pertuesa i spanhola que stá a ourganizar las Jornadas de Biocostruçon i Arquitetura Tradecional de Trás-ls-Montes. Ye buntade de lAssociaçon de Mirandeses an Bergança lhebar a cabo trabalhos de campo de dibulgaçon i pormoçon de larquitetura tradecional de la Tierra de Miranda, pa que eilha se puoda mantener, anque steia amenaçada puls materiales de costruçon modernos.
* Eilaboraçon dun boletin anformatibo trimestral, que anformará subre todas las atebidades realizadas an Miranda, Bergança i an ne restro de l paíç.
L andreço de lAssociaçon de Mirandeses an Bergança ye: Bairro da Mãe dÁgua - Rua António Augusto Gonçalves Braga, n.º 17 - 5300-000 Bragança. L númaro de telfone de cuntato ye 969171177, i la direçon de correio eiletrónico ye [email protected] .
