Zde l anho 1998 que tols anhos ten lhugar naldé de Fuonte Aldé, perteneciente a la fraguesie de Bila Chana de Barcenosa, ne l cunceilho de Miranda de l Douro, l eibento cultural chamado Rezosa. Astanho, la sesta eidiçon deste mi amportante eibento cultural de la Tierra de Miranda bai a tener lhugar ne l próssimo deimingo, die 21 de Dezembre, durante toda la tarde i ne l ampeço de la nuite.
Lourganizaçon de l eibento cuntina a ser, cumo siempre, de la respunsablidade de dues associaçones lhocales: la GGAC - Galandum Galundaina Associaçon Cultural i lACREFA - Associaçon Cultural i Recriatiba de Fuonte Aldé. La Cámera Munecipal de Miranda de l Douro, la Junta de Fraguesie de Bila Chana de Barcenosa i l Anstituto Pertués de la Mocidade tamien dórun ua mano pa que esta eidiçon de la Rezosa puoda benir pa la rue.
L tema central de la Rezosa dastanho será la daprendizaige de las danças tradecionales mirandesas. De suorte que fui cumbidado l Grupo Fulclórico Mirandés de Dues Eigreijas para ansinar, a todas las pessonas que lo quérgan, a beilar a la moda de la Tierra de Miranda.
Assi, l porgrama de la fiesta ampeça a las dues i meia de la tarde, cula abertura de l eibento. A las trés i meia, ampeça lOufecina de Baile Mirandés, cul grupo de Dues Eigreijas. Segue-se, a las cinco i meia de la tarde, ua ronda pul pobo todo culs gueiteiros persentes. A las siete de la nuite, haberá ua cena cul pobo todo, a fin que todos puódan matar la fame i purparar-se pa l réstio de la fiesta. La nuite ampeça a las nuobe horas, cul Grupo Folclórico Mirandés de Dues Eigreijas, la Scuola de Gueiteiros de Miranda de l Douro i l gueiteiro spanholo Paco Díez. Por fin, lourganizaçon pormete animaçon cun gueiteiros pula nuite andrento.
Mais anformaçones subre Fuonte Aldé, lACREFA i la Rezosa puóden ser sacadas de la direçon http://www.go.to/fontealdeia .
